Te Reo Resources for the Eucharist
The Aotearoa New Zealand Prayer Book / He Karakia Mihinare o Aotearoa provides liturgies in English, Te Reo, Tongan and Fijian. We have been blessed to receive audio clips of the Eucharistic Liturgy found on page 476 of the prayer book in Te Reo Māori.
The recordings are by Victor Mokaraka, a lecturer at St John’s Theological College, Auckland.
These audio clips are broken up into eight bite size sections: the words below each clip corresponded to the audio clip above them. All you have to do is play the audio clip and follow along with the words below.
If you are unfamiliar with Te Reo we recommend you use a prayer book while looking through this resource, as the prayer book has English text on the opposite page to help make it easier for you to follow.
Te Whakatikatika
Te Hohou-i-te-rongo
Ngā Whaikōrero
Te Hākari Tapu
Te Whakawhetai me te Whakamoemiti
Te Whakatikatika
E te whānau a te Karaiti,
ko tātou nei tōna tinana, e mahi nei i te ao,
naumai, haere mai, ki tōna ahurewa tapu.
E mihi ana ki a koutou kua karangatia nei
hei tote, hei māramatanga mō te ao,
i roto i tō koutou tohinga.
Kia koa, kia hari.
Whakamoemititia te Atua, te Kai-hōmai o te tūmanako,
te Kai-hohou i te rongo.
Āmine.
Kia hari tahi tātou.
Ko Īhu Karaiti te māramatanga,
te mātāpuna o te ora.
i tonoa mai nei, e te Matua,
hei whakahou i te ao,
hei huri i te wai hei wāina,
hei whakatahuri i te ngākau
kia tū-tapu ai ki tona aroaro.
Tāpaea atu ō tātou ngākau ki a te Karaiti,
nāna nei i whakatinana te kupu
hei toko i te ora.
Korōria ki a koe, e te Karaiti,
whakatapua mai mātou.
He Waiata Whakamoemiti
Ko Tēnei
Ko te Karaiti te Waiora,
E horoi nei, e whakahou nei i ngā mea katoa.
Ko Ia te Taro-o-te-Ora,
Hei Kai mā te hunga Matekai,
Hei Kaha mō te Manene, mō ngā Kai-mahi.
Nō reira mātou ka tāpae ki a koe
I a mātou whakamoemiti.
Mō Ranginui i runga nei, mō Papa-Tūānuku e takoto nei.
Mō ngā Maunga whakahī, mō ngā Puke-kōrero
Mō ngā Tai-mihi-tāngata, mō ngā Moana e hora nei.
Nō runga ngā hōmaitanga papai katoa
Tukua mai kia āio ngā rangi i runga
Kia tuku te puehu o Papa-Tūānuku e takoto nei.
Kia whakapapa pounamu te moana
Kia hora te marino ki Aotearoa-whānui.
Kia whakapaingia a te Karaiti,
Mō ngā tūpuna, mātua, mō te hunga tapu.
Ngā tōtara Whakamarumaru, ngā Toka Tūmoana,
Ngā Kākā Wahanui, ngā Puna Roimata.
Kia tīaho te māramatanga ki a rātou,
Kia au tā rātou moe.
Korōria ki te Atua.
Ko te Karaiti te hēpara pai,
e mōhio ana, e atawhai ana i ngā hipi katoa o ia kāhui.
I roto i a te Karaiti,
kāhore he tangata whenua, kāhore he tauiwi,
Kāhore anō hoki he tau-ārai.
I roto i a te Karaiti, ka tohungia te rawakore,
ka hunaia te pono i te hunga kawe mōhio,
ka whakaaturia ki te hunga ngākau pāpaku.
Āreruia!
Korōria ki te Atua o te tika, o te aroha,
nāu i toha ngā mahi mā mātou,
i rumakina ai mātou ki te mamaetanga,
puea ake ana ki ngā hua o te aranga.
Pupū ake i a koe te mana atawhai,
kia ai tā mātou atawhai i ētahi atu,
kia mau ai te rongo ki te hunga katoa
e manawa pā ana, ki tāu nei ao.
Te Hohou-i-te-rongo
E te whānau a te Karaiti, i te mea kua hara tātou,
whakatata mai ki te hohou i te rongo.
He aroha tō tātou Atua.
E te Atua aroha e mōhio nei ki ngā mea katoa,
whakaarahia mātou i roto i ō mātou ngoikoretanga.
Aroha mai i ō mātou takanga ki te hē;
i ō mātou whakaaro, i ā mātou mahi,
tohungia mātou.
Mā te Atua e muru ō koutou hara; kia mau te rongo.
Kia koa, kia hari,
ko te Karaiti te aranga, te tāroi o te riri.
Ko te Karaiti te pou herenga waka,
Whakapaingia te Atua tō tātou Kai-hanga,
Whakapaingia te Atua tō tātou Kai-taurima,
Whakapaingia te Atua tō tātou Kai-unga ki te ao whānui.
Ngā Whaikōrero
Ngā Karaipiture
Te pānui kei te … (te … o ngā ūpoko, ka tīmata …)
Whakarongo ki te kupu a te Wairua ki te Hāhi.
Whakapaingia te Atua.
Te Rongopai tapu ki te ritenga a …
(te … o ngā ūpoko, ka tīmata …)
Whakamoemititia, whakakorōriatia te Atua.
Te Rongopai tēnei a te Karaiti
Whakamoemititia Ia, te Kupu Mana.
Te Kauwhau
He Tikanga Whakapono
Ko koe, e te Atua tapu, te tino Atua,
Nōu te mana, te ihi, te wehi.
Nōu te ao, te mauri, te ora.
Nāu te katoa, i te rangi, i te whenua.
Ko koe tonu te Atua.
Ko koe te māramatanga o te ao,
I tīaho rā a koe i roto i te pōuri,
Kia puta ake tāu Tama ko Īhu Karaiti
Hei pou tokomanawa mō te ao.
Ko koe tonu te Atua.
Ko koe te Wairua Tapu,
Ko koe taku rākau,
Ko koe taku tokotoko,
Ko koe taku oranga ngākau ē,
Ngā Īnoi a Te Iwi
Ngā Īnoi Takawaenga Me Ngā Whakawhetai
Te Minitatanga O Te Hākarameta Te Maungārongo
Ko koe tonu rā te Atua. Korōria ki a koe.
Kia īnoi tātou mō te Hāhi, mō te ao, me te tuku whakawhetai ki
te Atua mō āna hanga pai.
Ngā Īnoi a Te Iwi
mō te Hāhi puta noa i te ao; mō te ao
mō tēnei motu, me ōna hua, me ōna rangatira
mō ngā whānau takiwa
mō te hunga e pēhia ana e ngā whakawai o te wā.
MŌ MURI I NGĀ WHAKAWHETAI |
MŌ MURI I NGĀ ĪNOI |
|
Mō tōu aroha me āu hanga pai |
E te Atua aroha |
|
Kia whakanui te Ariki. |
E te Atua atawhai |
|
Kia whakapaingia tō tātou Atua atawhai |
I roto i āu mahi tohu E te Ariki, whakarongo mai ki |
Ngā Īnoi Takawaenga Me Ngā Whakawhetai
Kia whakapaingia koe e te Atua ora tonu,
Ki a koe te whakamoemiti, te korōria mō ake tonu atu.
E te Matua i te rangi, whakarongo ki ā mātou īnoi,
kia whakakotahitia tāu Hāhi
Meinga mātou kia kotahi kia whakapono ai te ao.
Meinga ngā tāngata katoa o te Hāhi kia mahi ki a koe i runga i
te ngākau pono i te ngākau iti.
Kia tīaho ai te āhua o te Karaiti i roto i a mātou.
E maumahara ana mātou ki te hunga kua mate.
E te Matua, ka tukua atu rātou e mātou ki ōu ringa.
E whakapai ana mātou ki a koe mō āu hunga tapu katoa kua
uru atu nei ki tōu korōria mutungakore.
Meinga mātou kia whai wāhi ki tōu rangatiratanga i te rangi.
Titiro atawhai mai ki te hunga e pēhia ana e te māuiui, e te
pōuri, e te raruraru rānei.
I raro i tōu maru, whakakahangia rātou.
Titiro atawhai mai ki ō mātou kāinga, whānau hoki.
Meinga kia pūāwai tōu aroha i roto i ō mātou ngākau.
Meinga mātou kia aro ki ngā mea e matea ana e ō mātou hoa
tata.
Āwhinatia mai mātou kia kotahi ai i roto i ngā hari, i ngā
māuiui o te iwi.
Tohaina mai tōu Wairua, ā arahina hoki te hunga kawe tikanga i
roto i ngā iwi o te ao.
Arahina mātou, ngā iwi katoa hoki i ngā huarahi o te tika, o te
rangimārie.
Whakakahangia te katoa e minita ana i runga i te ingoa o te
Karaiti.
Meinga mātou kia hihiko ki te kauwhau i tāu Rongopai.
Tātou ka īnoi puku mō ngā mea e matea ana e tēnā, e tēnā..
- Te whakamoemiti ki a koe, e te Ariki,
te Kai-hōmai i ngā mea katoa,
Nāu te kī, ‘Īnoia, ā ka hoatu; Rapua, ā ka kitea;
Pātukia, ā ka uakina ki a koutou.’
Korōria ki a koe. - E te Atua o te tūmanako, mā tāu manaaki e ū ai
ā mātou whakamoemiti, īnoi hoki,
ka whakapono mātou ko koe te Atua ora,
koi wawata, koi tutuki, koi mahi, koi taea, ka ū tonu.
Korōria ki a koe. - E te Atua, te whakawhetai, te whakapai, te whakamoemiti,
ki a koe;
i aro mai koe ki a mātou e tahuri atu nei.
Meatia kia pūāwai tō aroha inā īnoi mātou ki a koe.
Korōria ki a koe.
Kua ākona nei tātou e tō tātou Ariki,
ka īnoi tātou
E tō mātou Matua i te rangi
Kia tapu tōu Ingoa.
Kia tae mai tōu rangatiratanga.
Kia meatia tāu e pai ai
ki runga ki te whenua,
kia rite anō ki tō te rangi.
Hōmai ki a mātou āianei
he taro mā mātou mō tēnei rā.
Murua ō mātou hara,
Me mātou hoki e muru nei
i ō te hunga e hara ana ki a mātou.
Aua hoki mātou e kawea kia whakawaia;
Engari whakaorangia mātou i te kino:
Nōu hoki te rangatiratanga, te kaha,
me te korōria,
Āke ake ake. Āmine.
Te Minitatanga O Te Hākarameta
Te Maungārongo
Kia whakapaingia a te Karaiti, te Ariki o te rongomau.
E turaki nei i ngā tau-ārai o te wehe.
Kia tau te rangimārie o te Atua ki a koutou.
Kia whakapaingia te Karaiti e tuitui nei i a tātou i roto i te rongomau.
Te Whakatikatika I Te Ohaoha
Ko konei tāpaea ai ngā ohaoha a te iwi. Ka mauria mai te taro me te wāina mõ te hākari ki te tēpu.
Te Whakawhetai Nui
Kua ara a te Karaiti!
He pono tonu, kua ara a Ia.
Whakareia ō koutou ngākau ki te rangi
kei reira nei te Karaiti kei tōna ahurewa tapu.
Kia whakapaingia te Atua.
He mea tika kia tāpaea te whakapai, te whakamoemiti.
Ko te hari mō tō mātou whakaoranga,
e te Atua o Tua-whakarere,
ki te tuku whakawhetai ki a koe
i roto i a Īhu Karaiti.
Pāoho ana tāu kupu, ‘Kia tīaho te mārama’;
nā, ka mārama.
E tīaho tonu nei tōu māramatanga i roto i tō mātou pōuri.
Nāu i pou te mauri-ora mō ngā mea katoa.
Nāu hoki mātou i waihanga,
ki te whakarongo ki tāu kupu,
ki te mahi i tāu i pai ai,
kia eke ai ki te taumata o tōu aroha.
He mea tika kia whakapaingia koe.
Nāu i tono mai tāu Tama
hei ara whainga mā mātou,
hei pono e manakohia ana e mātou.
Te Whakawhetai Nui
I tukua mai e koe tāu Tama
kia whakamatea hei toha i te ora,
hei wewete i ō mātou hara.
Kua unuhia ō mātou hē e tōna rīpeka.
I tonoa mai tōu Wairua Tapu
hei whakakaha, hei arataki,
hei whakatūpato, hei whakahou i tāu Hāhi.
Waihoki, i tēnei rōpū whakaatu
e karapoti nei i a mātou,
ko tōna rite ki ngā whetū, tē taea te tatau,
ka whakamoemiti mātou i runga i te ngākau aroha,
i te ngākau hari, mōu i waihanga, i karanga i a mātou,
E te Atua tapu rawa, mahi tohu,
tino tapu, tino tika,
nōu te korōria, nōu te purotu.
Korōria ki a koe, e te Atua,
te Runga rawa,
te Atua māhaki.
E te tino Tapu, ka whakapaingia koe, i roto i tāu Tama
i tuohu nei ki te horoi i ngā wae o āna ākonga,
te tohu o te kaimahi tūturu.
I te pō i mua i tōna matenga
ka tango ia i te taro ka tuku whakawhetai ki a koe.
Ka whawhati, ka hoatu ki āna ākonga, ā ka mea:
Tangohia, kainga, ko tōku tinana tēnei ka hoatu nei mō koutou
meinga tēnei hei whakamahara ki ahau.
Ka mutu te hapa, ka mau ia i te kapu,
ka tuku whakawhetai ki a koe,
ka hoatu ki a rātou, ā, ka mea:
Inumia tēnei, ko ōku toto o te Kawenata hou
i whakahekea mōu, mō te katoa,
hei murunga hara,
meinga tēnei hei whakamahara ki ahau.
Nō reira mā tēnei taro me tēnei wāina ka maumahara mātou
ki āu painga ki a mātou.
Te Atua o ngā wā katoa,
e maumahara ana mātou ki tāu Tama.
Ka whakawhetai mātou,
mō tōna rīpekatanga, me tōna aranga mai.
Ka whakamanamana mātou mō tōna whakareanga.
Ka tūmanako ki tōna haerenga mai i runga i te korōria,
I roto i a ia, ka mau tonu mātou ki a koe.
Whakahāngia iho tōu Wairua Tapu,
Meatia tēnei taro, ko te tinana tonu,
tēnei waina, ko ngā toto tonu o te Karaiti.
Kia tūhono ki tōna tinana,
Kia ū ai mātou ki roto i te aka pono.
Hākari Tapu
Ka aru mātou i a te Karaiti,
Tui, tui, tuituia mātou.
Tuia ki te mamae.
Tuia ki te tūmanako,
Tui, tui, tuia ki te ora.
Kei a koe, e te tapu o te rangi,
te orokohanga rā anō o te ao,
te tīmatanga, te otinga,
te ārepa me te ōmeka.
Kei a koe, te whakapai, te korōria, te aroha,
I tēnei rā, i tēnā rā,
Mai i a mātou, mai i te katoa,
I konei, i ngā wāhi katoa. Āmine.
Hākari Tapu
Kua ākona nei tātou e tō tātou Ariki,
ka īnoi tātou
E tō mātou Matua i te rangi
Kia tapu tōu Ingoa.
Kia tae mai tōu rangatiratanga.
Kia meatia tāu e pai ai
ki runga ki te whenua,
kia rite anō ki tō te rangi.
Hōmai ki a mātou āianei
he taro mā mātou mō tēnei rā.
Murua ō mātou hara,
Me mātou hoki e muru nei
i ō te hunga e hara ana ki a mātou.
Aua hoki mātou e kawea kia whakawaia;
Engari whakaorangia mātou i te kino:
Nōu hoki te rangatiratanga, te kaha,
me te korōria,
Āke ake ake. Āmine.
Te tinana o te Karaiti i whatīa mō tātou.
Ko Ia te taro o te ora.
I maringi ōna toto hei murunga hara.
Kua ara mai te Karaiti i te mate.
Te Pōwhiri
Haere mai e te kāhui a te Atua,
tangohia ēnei kai rangatira a te Karaiti.
Ko te tinana o tō tātou Ariki, i tukua nei mōu.
Ko ngā toto o tō tātou Ariki, i whakahekea nei mōu.
Te taro o te ora, i whatīa nei mōu.
Te kapu o te ora, i whakahekea nei mōu.
Āmine.
Ngā Īnoi mō Muri I te Hapa
Whakapaingia te Atua e whakamine nei i a tātou.
Whakamoemititia te Atua kua kotahi nei tātou.
Whakapaingia te Atua e hohou nei i te rongo.
Whakamoemititia te Atua ko Ia te tūmanako te herekore.
Whakapaingia Ia kua hora nei tāna kupu.
Whakamoemititia Ia, koia nei te aroha.
Whakapaingia Ia nāna nei tātou i karanga.
Waihangatia mātou, kia rite ki tōu ake te āhua.
Manakohia e te Atua ā mātou whakahere, whakamoemiti.
Ko tāu rourou, ko tāku rourou, ka mākona mātou.
Te Haerenga Atu
Haere i runga i te aroha. Haere i runga i te rangimārie.
Āmine. Ka haere mātou i runga i te ingoa o te Karaiti. Korōria ki te Atua.
Have a look at some links to Te Reo Māori Liturgy Audio Resources from the General Synod
